Ephesi 2:13
“Tûnah erawh chuan Krista Isuaah, nangni hmâna hla taka awmte kha, Krista thisen chuan tihhnaih in ni ta.”
Fanny Crosby leh William H. Doane te inkawp chuan hla mawi tak an phuah a. A tir chuan Mr. Doane-a chuan a rimawi chu a han tum rat rat a, chutia rimawi em em mai Fanny Crosby-in a lo hriat chuan Pathian pawlna changin a mit khua fiah loh mah se thlarau mitin chu Kraws-a damna tui chu chiang takin a hmu a, chu hmuna awm chu a duh a, chutah chauh chuan a damna kim a awm a ni tih hriain rimawi hmanga Pathian pawlna karah “Isu, kraws mi hnaihtir rawh, Tuikhur hlu awmna kha, Damna tui mitin chhuahna, Kalvaria a luang kha” a rawn tichhuak a. He hla mawi tak hi kan lo nei ta a ni.
Fanny Crosby-i hi khawvel-a Pathian fakna leh chawimawina hla ziaktu ropuiber a ni kan ti thei ang. A tlukpui tur leh a chunga leng thei Chu Isac Watts leh John Wesley-a te chauh an ni mai thei bawk. Hla sangthum chuang teh meuh mai a phuaha a, a hla phuah tam tak chu khawvel ram hrang hranga Kristian awmten an sa mek a ni.
Kum 1820, March ni 20 khan Southeast, NewYork-ah a lo piang a. Thla ruk mi lek anih atangin a mit a del a. Mahse a hlim thei em em a, kum 8 mi lek a nih khan tihian hla a lo phuah tawh “Aw hlimna thlarau ka nei, hmu thei lo mah ila: He khawvel ka tan thim mah se, lungawi tur ka lo ni” tiin.
Isu, Kraws min hnaihtir rawh; Tuikhur hlu awmna kha;
Damna tui mitin chhuahna; Kalvaria luang kha.
Kraws-ah chuan, kraws-ah chuan
Ka ropui awm rawh se.
Ka thlarau lui piah lamah
Lawm taka chawlh thlengin.
Aw, Pathian fa kraws hlu chu;
Ka mithmuhah thlen la,
Hahdam turin min pui la; Ka chung zawng tihim rawh.