SAM 118:24
‘Vawiin hi Lalpa ni ruat chu a ni, Hlimin i lâwm ang u.’
“Khawiah nge hun hi a kal zawh thin?” tih zawhna hi a ho kan ti viau mai thei e. Kar hmasate kha nimin ang chauhin kan la hre vek thei a, kum kalta-a thil thlengte pawh kan ngaihtuahna-ah chuan kan bul lawka awm ang a la ni a. Mahse kan hmanral tak tak dan hi a chipchiarin tumahin kan hre thei lo a ni.
Zaithiam, Jim Croce chuan a hla lar tak, “Bottle-ah hun” ah khan ti hian a ti; ‘I thil tih duh ti tura i hun mamawh i neih hunah chuan i duhkhawp hun i hmu lo ang’ tiin. Hlimna kan zawng a, mahse chu hlimna chu nei mah ila, kan tum ber kan thlen kimna ani chuang lo a, chung zawng ai chuan nitina ṭha taka kan nun kan hman hi a lo pawimawh ber a ni, a ti bawk.
‘Old English Prayer’ an ti a. Chuta an ṭawngṭaina hla chu hetiang hi a ni.
• Hnathawhnan hun hmang rawh; hlawhtlinna a ni.
• Ngaihtuahnan hun hmang rawh; chu chuan thil a tithei hle a ni.
• Infiamnan hun hmang rawh; kumkhuaa ṭhalai nih theihna a ni.
• Lehkha chhiarnan hun hmang rawh; chu chu finna lungphum a ni.
• Ṭhian kawm nan hun hmang rawh; hlimna kawng pawimawh tak a ni.
• Mi dangte malsawmnan hun hmang rawh; Pathian lung tih awina a ni.
• Nuihnan hun hmang rawh; Thinlung tana rimawi ṭha ber a ni.
“I hun tithianghlim la, Lalpa pawl fo rawh”