LUKA 6:38
‘Pe rawh u; tichuan, pêk in ni ang; ṭhahnemngai taka teh chhuaka, beng mukin, sâwi liam zawih zawih khawpin in ângchhûngah pêk in ni ang. Tehna in hman ngei khân tehsak in ni ang,” a ti a.’
Mi pakhat hi chawlh hmangin tuifinriat kamah hun a hmang a. Khua a lum em avangin tui a chêng a, mahse vanduaithlâk takin tui rawn chak thut avangin a inveng zo lo va, a tla a, chhanchhuaktu mamawh tih hriat takin a ban chu a vai luap luap a. A bulah chuan mi pakhat hi a lo chên ve avangin chupa chuan a hmuhin a hleuh hnai a, a chhanchhuak ta hlauh a ni.
Vau kama an inhruai phei hnu chuan a chhanchhuaktu chuan, “Tui tla zawkin ‘Ka kut ka rawn pe a che lo vuan ang che’ i ti kha mak ka ti khawp mai” a ti a.
Chhanchhuah pa chuan, “Midangte tâna ṭanpuitu pâwlah hun rei tak ka thawk tawh a, ka zirchhuah ropui em em mai chu mi zawng zawng hian pêk aiin dawn hi nuam an ti tih chu a ni” tiin a chhang.
Kan mihring rilru leh nun hi ngun takin ngaihtuah ila, tupawh hian pekchhuah aiin dawn hi kan duh deuh vek a ni. Pathian thu chuan ṭha tak kan dawn theihna turin pekchhuah a pawimawh thu min hrilh. Midangte tana kan tihsak apiangin kan dawn tur a lêta tihpun a ni ṭhin.
Donald David-a, company lian tak nei chuan hemi chungchanga innghahna ṭha tak chu hetiang hian a sawi: “Mi tam takte hmasawnna chu an chunga miten an hruai vang nilovin, a hnuaia thawk ten an nawr chak vang a ni chawk” a ti.
I bula awm te, khawsa te hnenah thil tih tum ang che. Midangte tana nun hman hi a inchhirawm ngai loh a, malsawmna tam zâwk kan neihna turin pekchhuah tam kan zir a ṭul a ni. Midangte tana malsawmna thlentu chuan malsawm dawnna tam tak a nei ṭhin.
LUKA 12:33 – ‘“In neih apiang hralh ula, pachhiate pe rawh u, vânah, rûkru kal lohnaah, thîm ei theih lohnaah chuan, tangka ip phai thei lo te, sum ral thei lo te insiam rawh u.’