JAKOBA 4:16-17
Nimahsela, in uannate hi in chhuang zâwk si a, chutiang chhuanna zawng zawng chu sual a ni. Chutichuan, tu pawh thil ṭha tih tûr hriaa ti si lo chu a tân sual a ni.
Zûk leh hmuam ṭhat lohzia hrechiangtute chu a ti ṭhin hote bawk an ni. Bansan daih a ṭha a ni tih hre reng chunga kan tih luih zêl hian mahni chunga thil tisual kan ni mai ang em? Hei hi zawhna pawimawh tak a ni. Zûk leh hmuam ṭhat lohna tam tak sawi tûr awm zingah hengte hi han tarlang ila –
1. Zahawm lova min siamtu a ni a.
2. Mi dangte tâna rimchhiaa min siamtu a ni.
3. Rinna kawnga min tihmêlhemtu a ni.
4. Pathian biak in thianghlimna tibawlhhlawhtu a ni.
5. Pathian biak in zahawmna tibawrhbangtu a ni.
6. Taksa chak lohna leh natna khirh thlentu a ni.
7. Min tihmelchhetu a ni.
8. Zû leh drugs tân kawng sialtu a ni.
9. A ṭul lova intlakralna a ni.
10. Nunna chhattu a ni.
#VerseOfTheDay #NunKawngChaw