Genesis 39:9
“chutichuan, engtin nge he sual lian tak hi tiin Pathian chunga thil ka tihsual theih ang?” a ti a.
He thu mawi tak hi Potiphara nupuiin Josefa mutpui tûra a thlêm ṭuma Josefa chhanna a ni. Josefa ang hian inneihna pâwn lama sex hman hi Pathian chunga thil tihsualna a ni tih hi nunpui ve a va ṭha em! Sex hi inthlah punna tur leh nupa nun phuar nghettu tûra Pathian min pêk a ni a. Pathianin a duh taka a siam leh ṭha a tih êm êm a ni.
Kan hmasawnna chi hrang hrang TV te, Computer te, Mobile Phone etc. te hi Setana hian a hmang ṭangkai zâwk emaw tih mai tûr a ni a. Fakna thleng hian a sexy êm êm ta zel hlawm mai! Hetiang khawvêla kan lên mêk lai hian kristian tlangval tan comdom a ngai lo, kristian nula tan invenna damdawi a ngai lo, ka thianghlimna hi ka nupui/pasal hnêna ka hlan tur a ni ti thei khawpa Krista sipai huaisen lo pên chhuak thei Zoram hian a va mamawh ta êm!