JOHANA 6:12
An kham hnu chuan a zirtîrte hnênah, “Eng mah rîral awm lo tûrin sem bâng kha dah ṭha rawh u,” a ti a.
Kan thu ngaihthlâk aṭang hian Lal Isua hi inren thiam tak ani tih a lang. A bâng nawi tlêmte pawh a bo a phal lo. Tam taka tipung theitu ni mahse, a malsawmna a nih loh dân tûra luan raltîr mai mai a phal lo a ni.
‘Inrenchem’ tih hi daihzai taka thil hman thiam tih te, ṭul leh mamawh atâna thil hman thiam tih te, mamawh bâka intlakral loh tih te, hnu lam ngaihtuah rân chunga khawsak dân thiam tih te, a chuang tlaia inhman ral loh dân thiam tih te hian a tifiah mai awm e.
Hna a vâng tawlh tawlh a, sum lâk luh a harsa tawlh tawlh a. Changkânnain thla tina pawisa pêk chhuah ngai – fee leh bill a titam a. Thil man a sang tual tual a, thla khata kan lâkluh aia tam hman pawh awl tak a ni. La lûttu kan nih loh pawhin khawhral mai mai tuah chuan i ṭang lo ang u. Lal Isuan a malsawmna a ni lo lama a luan ral a phal loh kha.