MATHAIA 21:4-5
Zâwlnei hmanga a sawi kha a lo thlen theihna tûrin chûng chu a lo awm a ni: “Zion fanu chu hrilh rawh u, en teh, i lal chu i hnênah a lo kal e, Thuhnuairawlh taka sabengtung chunga chuangin, Sabengtung no chung ngeiah,” tih thu hi.
Hmânlaia lal leh mi liante chu sakawr chungah an chuang ṭhin a. Lal Isua erawh chuan Jerusalem khawpui pan nân sa tlâwm tak a thlang kher a. Hei hian khawvêl lalte aia a inngaihtlâwmzia a târlang a, lal ram linglet dintu a nihzia a tilang nghâl bawk.
Sabengtung no hi ropui lo mah se a chunga chuang Lal Isua hi a ropui a, a kalna tûrah puan leh chhâwl te an phah mai a ni. Keini pawh Lal Isua chuan theihna khawpa kan inngaihtlâwm a, a sabengtunga kan ṭan ngam phawt chuan, Lal Isua avângin ropuiin kan lang ve mai zâwk dâwn a ni.
Amah a lan hun apiangah,
Ropuiin kan lang ve ang.