SAM 84:4-10
I ina chêngte chu an nihlawh e, An fak fo thei ṭhîn che a ni… I biak in tuala ni khat awm chu Hmun danga ni sângkhat awm aiin a ṭha zâwk. Kan Pathian in kawngkhâr vêngtu nih chu, Mi sual puan ina awm ai chuan ka thlang zâwk.
Kan Mizo pi leh pute nunah zâwlbûkin hmun pawimawh tak a luah a. Mipa puitling zâwlbûk kal ngai lo chu rualbanlo an ni tlângpui ṭhin. Kristian ram kan nih hnuah a hmei-a-pain biak in hi kan punkhâwmnaber a ni a. Biak ina kal ngai lo hi chu rinna lamah rualban lohna an nei a lo ni ṭhin.
Mi ṭhenkhatin inkhâwm an ngaih pawimawh viau laiin a tam zâwk chuan kan ngai pawimawh lem lo va, inkhâwm ṭhin thenkhat chu Sunday School bâk kal miah lote an ni. Inkhâwm châkna rêng nei lote chu thlarau lama natna nei an ni ṭhin. Khaw khata pa râwn leh nu râwn nia lang te pawh hi an inkhâwm ngai loh chuan chutna tak an neih bâkah an tukkhum lam aṭanga nuihtu hi an nei tlat zel nia! In inkhawm ngai em le?