– Chhantea (Oriela patea)
E. Lungdar
Tunlaia ka vei chu hmeichhia ṭhalai, kohhran leh khawtlânga inhmang hlê si, kohhran leh vantlâng thiltihnaa a kûl a taia ṭang peih, a langa taima leh fel, nui mawi leh biak nuam, mahse mahni inchhûnga dehloh sakei huai; biak dâwna min ngaidam rawh tih phawt loha biak ngam loh. Nu te ei rawngbâwlsa ei, nu te thleng sil sa hmanga chaw ei ṭhalai rawngbâwltu te hi an ni.
Zîng tho thei lo, zân mu thei bawk si lo. In chhûnga chhûngkuaa hun hman aia room a tawm tlat. Chanvo leh pawimawhna neih loh chuan Pathianni chawhnu leh nilai zân inkhâwm ṭhulh ta mai mai. Eng emaw tih avanga kohhran programme thlahthlam a tei hawi ta mai mai ṭhalai rawngbâwltu, a huho leh pâwnlam ah chiah rawngbâwltu ṭha ni hi kan va tam êm mizo kristiante ah hian.
Hetiang ho, chanvo pêk loha vui dur dur leh si; kohhran leh upate dem leh chîng. Mahni duhna hunlo a kohhran activity ngai pawimawh leh silo ho hi kohhran ṭhan ti ṭhutu leh kohhran hmai ti mâwk tute an ni.
Chanvo leh nihna an neih hi pâwn lamah an lantîr a. Inchhûngah rawngbâwltu nihna an hlamchhiah leh si ṭhin. An tih tûr hlenna chu an chanvo ah an ngai a. An rawngbâwl chhan chunglam duhdân an hlamchhiah a. An rawngbâwlsak te tân chaw pe lovin phûrna leh hlimhlawpah an tâwp a. Hei hian kan rawngbâwlna a ti chak lo ṭhin.
Hmeichhia chuan eng dinhmunah pawh inchhûngkhur aṭangin rawngbâwlna a ṭan tur a ni.