SAM 38:9
Lalpa, ka duhzâwng chu ka rawn thlen e, Ka rûm thâwm pawh i hai hek lo.
Thil mamawh tak kan neih a, a awmna kan hriat si loh chuan kan buai chûk ṭhin. Taksa leh thlarau lam thilah mamawh leh duhzâwng tam tak leia kan awm chhûngin kan nei ṭhin. Neih theih dânte kan ngaihtuah a, a buai pawh kan buai viau ṭhin a ni. Sam 38:9 hi khawvel mihringte tân zawnawlna ṭha ber a ni.
Nupui pasal tûrte pawh hi khawi vengah emaw khawi khuaah emaw zawn duh vak tûr a ni lo, Lalpa hmaah a awm. In leh lo lam te, kan fate zirna leh hnaa an hlawhtlinna te leh thil danga kan mamawh engkim mai hi Lalpa hmaah hian a lo awm vek a. Kan vânduaina leh mittui tlâknate nen lam hian Lalpa hian min hriatsak vek a ni. A va han thlamuanthlâk tak êm!
Lalpa hmaa kan duhzâwng awmte kan hmaa rawn chhawp a nih theih nân amah kan hnaih a, a duhzâwnga kan awm hmasak a pawimawh a ni.