LUKA 3:6
Tin, mi zawng zawngin Pathian chhandamna chu an hmu ang,’ a ti,” tih ziak ang khân.
Naupang pakhat hian ama ta tûr uite lei tûrin dâwrah chuan a va kal a. Ui note 4 ṭhu tlar ṭhap mai, pakhat $100/- a an lo zawrh chu a hmu a. A hrang deuhin ui pakhat lo ṭhu a hmu bawk a. Chu ui chu a piansual avangin ‘Not for sale’ tih an lo târ a.
A zuartu chuan, “A pian tirh aṭangin ke ruh a nei lo va, a kal thei lo va, muttîr reng a ngai a, chuvang chuan a hralh theih loh a ni” a ti a.
Naupang chuan pawm chhin a dîl a, tichuan a infiampui a, uite chuan a bengah a rawn liak lep lep a, chuvang chuan lei a dîl ta a. Mahse a zuartupa chuan lei theih a ni lo a ti tlat bawk si. Naupang chuan a dîl ngawrh êm avang chuan a phal ta a. $100/- chu pêk a tum a.
Mahse a zuartupa chuan, “Mama, heti zât pêk a ngai lo, $100/- chuan ui ṭha zâwk a lei theih alawm” a ti a. Naupang chuan engmah sawi lovin a kekawr dinglam chu a han hlîm a. Ui zuartupa chuan sawi tûr a hre lo. Naupang chuan ke lem (Artificial Limb) a lo vuah ve reng niin.
“Min ngaidam rawh Mama, ka hrethiam ta e, uite chu ṭha takin enkawl la, he uite dang hi ka pe bawk ang che” a ti a. An in kalsan ta a ni.
He leia miten min hnarin sîrah min hnâwl mah se Lal Isua chuan engtik lai pawhin min hnar ve ngai lo.