MATHAIA 16:13
Isuan Filipa Kaisari bial a lo thlen chuan, “Miten Mihring Fapa hi tu nge a ni an tih?” tiin a zirtîrte chu a zâwt a.
Vawi khat chu Pathian rawngbâwltu pakhat hian England a tlawh a. Zîng chaw ei hmain Pastor inah lêng tûrin a chhuak a. Kawngka a han kik chuan Pastor te awmpui nulain a va hawn a. An awmpuinu mak ti lutuk chu a tlân kîr leh thuai a, a pute hnenah chuan, “Isua a nih loh chuan tu dang a ni lo vang” a va ti chûl a. A lo luha a han insawi chuan Sadhu Sundar Singh-a a lo ni reng a. Krista hming avanga tuartu chuan a Lalpa a lo ang hle a lo ni!
Mite hian tu ang leh eng angin nge min hmuh ve aw? Kan zui leh a rawng kan bâwl kan Lalpa Isua hi miten angin min hmu ve em? Chaw bêl khat kan zenpuite hian eng angin nge min hmuh aw? Biak ina rau tak anga min hmuh lai hian in lamah hian ‘phun reng ringawt mai’ nite hian min hria em? Kan hna thawhpui te, kan rawngbâwlpui te leh kan khawsakpui ṭhinte hian eng angin nge min hmuh ang aw? tih hi i inzâwt ṭhin ang u.