— Zata Zadeng
Sialsuk
HARHNA DIK CHAN KAN DUH EM?
Luka 22:43
Tin, vân aṭangin vântirhkoh pakhat, a tiharh tûrin a hnênah a rawn inlâr a.
Ṭhenkhat chu zai a lâm chiah an phûr a, thusawi ngaihthlâk lam an tui vak lo ṭhin. Ṭhenkhat chu zai a lâm laiin an thothâng a ṭha hle a, an zâng in, an phûr hlê a, amaherawhchu thusawitu a ding chiah a, an muthlu nghâl mai zêl. Hêng hi kan kalsual chhan a ni.
Harhna dik changtute leh harhna dik chan kan duh chuan zai ho hlim mup mup aiin thusawi ngaihthlâk uluk a pawimawh. Thu chu tisaah a chang ṭhin ang khân kan thusawi ngaihthlâk khân a ṭha laiah kan nun kaihruai rawh se. Zai ho hi a ṭha lo ka tihna a ni lo, a ṭha lutuk.
A tâwp nân, khawi emaw hall vêla mimal, tute emaw programme siam chawpa thusawi thiam deuh ngaihthlâk âi chuan Biak In a thusawi thiam lo deuh ngaihthlâk a him zâwk.
Khawlaia hnathawk lova chhûna Pathian thusawi satliah hi chu awih chin tâwk neih a ṭha viau. Awih loh bur emaw awih bur emaw a ṭha lo. Chin tâwk neih tûr, Bible thu en/ngaihtuah mil chungin.
Zâi a lâm mup mup lai chauha phûr a, thusawi ngaihthla leh peih si lo nih ai chuan, thusawi tih takzeta ngaithlatu nih a ṭha zâwk. Chu chuan kan nun a kaihruaiin kalsual tûr lakah min vêng.