ROM 3:10-12
“Tu mah mi fel tak rêng an awm lo, Pakhat mah an awm hauh lo; Tu mah hre thiam rêng an awm lo, Tu mah Pathian zawng rêng an awm lo. A ni lo lamah an pêng ta vek a; Eng maha tlâktlai lovin an lo awm ta vek a.”
Mihring chu ama duhthlanna hmang thei tûrin Pathianin zalenna a pe a, ṭha lam thlang thei leh sual lam thlang thei dinhmunah a dintîr a, “I ei chuan i ei ni la lain i thi ngei tûr a ni,” tih leh “Thi teh suh e…” tih an hmaa awmah chuan sual ti tûra thlemna chu an zâwm ta zâwk a. Pathian dân a lo bawhchhiat tâk avangin mihring chu Pathian laka thi a lo ni ta a. Sual man a têl chu thihna a lo ni ta (Rom 6:23).
Mihring chu suala tlu, mahni inchhandam thei lo, Pathian ropuina chang zo tawh lo a ni a. Chhandam ngai mihring leh chhandamtu tel lo chuan mahni inchhandam thei lo a lo ni ta. “Engtin nge Pathian hmaah mi a fel theih ang le? Engtin nge hmeichhe hrin a thianghlim theih ang? … Mihring lek phei chu e, thil lung mai a ni!” (Job. 25:4).