EPHESI 2:8-9
Rinna avânga khawngaihnaa chhandam in ni si a; nangmahni thawh chhuah a ni lo va, Pathian thilpêk a ni; thiltih avâng a ni lo ve; chuti lo chuan, miin an chhuang dah ang e.
‘Rinna avânga khawngaihnaa chhandam’ tihah hian khawngaihna hi a bulpui zâwk a. Kan fel vâng emaw kan ṭhat vâng emaw kan phû vâng emaw ni lovin, Pathian min khawngaihna avâng zâwkin chhandam kan ni a. Chu khawngaihna avânga chhandamna chu rinna kaltlangin kan lo dawng a ni.
School naupang pakhat chu kum tâwp exam-ah a failed a, an Headmaster-in a khawngaih êm avangin a passed tîr ve ta a. A lâwm lutuk chuan mittui nên an in lam a pan taa; a nu leh pate pawh chuan an lo lawmpui hlê a ni. Chhandamnaah hian tih ve kan nei lo va, chhuan tûr kan nei bawk hek lo. A khawngaihna avâng liau liauin tling lo tlingah min pawm a, chu chu rinnain kan lo chang ve a ni. Khawngaihna thiltihah khawngaihna dawngtuin chhuan tûr a nei ngai lo.