THUFINGTE 29:22
Thinchhia chuan buaina a chawk chhuak a, Thinram chuan pawi a khawih rem rum ṭhîn.
Sap pa pakhat, Father Graham-a an tih hi a awm a, midangte hnêna thurâwn ṭha tak tak petu a nih avângin mite chuan an ngaina em em mai a.
Ni khat chu tlangval thinrim tak mai hi a hnênah thurâwn la tûrin a rawn kal a. Pu Graham-a hnenah thil awmzia a han sawi chuan Pu Grahama chuan amah thiam loh chantîrtu hnêna ngaihdam dîl tûra a kal mêk thu a hrilh a.
Pu Grahama chuan sawi chhunzawm zêlin, “Tlangval, inremna leh hmangaihna duhtu thurâwn hi zawm ngei ngei ang che. Chirh, thenfai ngai ang hi a ni a, nghâk deuh ila, chu chirh chu a lo ro ang a, awlsam takin i phiat fai mai dâwn a ni. Chuvangin nang pawhin nghâk deuh la, in pahnih-a in daih deuh hunah in harsatna chu a kiam mai ang. Tunah va kal dûn ta ni ila chu in inhnial reh theih chuang lo vang” a ti a.
Tlangval chuan Pu Grahama thurâwn chu harsa ti tak chung chuan a pawm ta a. Hun rei tak hnu chuan chu tlangval chuan a intihthiam loh pui chu a tawng leh ta a, innghirnghona nei lo ang maiin an inbe leh thei ta a ni.
Mi tupawh mai hi kan thinrim thei a, thinrim hi a awl em em bawk. Mahse mi dik tak bula thinrim te, tehna dik taka thinrim te, chhan dik taka thinrim te, hun dik taka thinrim te hi thil awl a ni lo, tiin Aristotle chuan a sawi.
I thinrim laiin ṭawng vak suh ang che. I inngaihdam theih lohna tûr thil i chhâk chhuak mai ang.