— Chhantea (Oriela patea)
E. Lungdar
An sawi damna Kalvari ah
Misual khenbeh naah chuan
Tah chuan tidamtu a awm ka hria
A hnenah min hruai ta che.
Ka nun hi lungngaiin a khat a
Hlimna reng reng pawh ka nei lo
Seol natna hrui hian min zem a
Lal Isua hmuh ka duh e.
Eng vang leh eng dinhmun avang pawhin he khawvelah hian lungngaiin i beidawng em? Khawvela i innghahna zawng zawng kha tuna i hun tawnah khan innghahna tlâk tling zo in i hmu tawh lo em? Lal Isua a awm asin.
Sual avang te, natna avang te, retheihna avang te leh chhan dang tam tak avanga rum mêk te tân he khawvelah Gilead thing hnâi damdawi ṭha tinreng hmanga damzo tawh lo te tân alawm Lal Isua hi kan tân a lo inpêk. I tân leh ka tân tuara a lo thih le. Chu beiseina chu nei turin eng dinhmun aṭang pawhin ‘Lal Isua hmuh ka duh e’ tiin amah chu i pan ang u.
Mit a hmuh loh, beng a hriatloh, thinlunga hriattîrna Pa a beiseina neiin i pan ang u.
ROM 8:24
Chu beiseina avâng chuan chhandam kan ni si a; amaherawhchu, hmuh tawh reng beiseina chu beiseina a ni lo ve. A hmuh tawh reng chu tu nge la beisei fo?