SUAL LIAN LEH TÊ

SUAL LIAN LEH TÊ

1 JOHANA 1:9
Kan sualte kan puan erawh chuan, ani chu a rinawmin a dik si a, kan sualte min ngaidamin kan dik lohna zawng zawng min tlen faisak dâwn a ni.

Thil sual titu mi pahnih hi mithianghlim hnênah an kal a. Chupa bulah chuan, “Ka pu, thil sual kan ti a, kan chhia leh ṭha hriatna nasa takin a tibuai a ni. Ngaihdam kan nih theih nân eng nge kan tih ang?” an ti a.

Tisualtute hnênah chuan, “Ka fapa, eng nge in tihsual chu min han hrilh teh” a ti a. Tisualtu pakhat chuan, “Sual lian tak ka tisual a ni” tiin a chhâng a. Tisualtu pahnihna chuan, “Kei chuan thil sual te tak tê tê ka ti a, ka chhia leh ṭha hriatna a tibuai em em lo ve” a ti a.

Mithianghlim chuan, “A lo ni maw, va kal ta ula, in sual neih zah ang zêlin lung in rawn la dawn nia” a ti a.

Tichuan, tisualtute chu an va kal ta a. An tihsual zât ang zêl chuan lung an rawn la a. Tisualtu hmasa zâwk chuan lung lian em em mai hi a rawn pu nawlh a. Tisualtu pahnihna erawh chuan lung te tak tê tê tam tak a rawn la thung a.

Mithianghlim chuan, “Tunah chuan, kal leh ta ula, in lung rawn lâk chu a ngaiah va dah leh rawh u le.” a ti a. Tisualtu hmasa zâwk chuan awlsam takin a va dah mai a. Mahse tisualtu pahnihna chuan a lung lâk chu a tam avângin a lâkna a hre ta hlawm lo va. Hna tam tak a insiam phah ta a ni.

Mithianghlim chuan, “Sualna hi lung ang a ni a, miin sual lian tak a tih chuan a chhia leh ṭha hriatnaah lung lian tak awm ang a ni a, mahse inchhîrna dik tak a neih chuan lâk bo a har lo thung a. Sual te tak tê tê kan tih erawh chuan inchhîrna min siam lo fo va, sim a har ṭhîn.” a ti a.

Lal Isua chuan eng sualna pawh a ngaidam thei a. Inchhîra a hnên pantute chu lâwm takin a lo kuangkuah ṭhîn.

avatar
5 Comment threads
0 Thread replies
0 Followers
 
Most reacted comment
Hottest comment thread
5 Comment authors
GraceSiama FanaiJessica LaldinpuiiThapuii ZoteKaycee hruaia Recent comment authors
  Subscribe  
newest oldest most voted
Notify of
Kaycee hruaia
Guest
Kaycee hruaia

a tha hle Mai….

Thapuii Zote
Guest
Thapuii Zote

tha khawp mai

Jessica Laldinpuii
Guest
Jessica Laldinpuii

thu tha leh hriatreng tlak ani😊

Siama Fanai
Guest
Siama Fanai

Atha hle Mai, apawi mawh ka ti bawk.

Grace
Guest
Grace

Tha lutuk

Copyright © 2017-2020 Our Daily Bread Mizo.
Privacy Policy