PHAR SÂWM TIHDAM LEH MIZO RINGTU NUN

PHAR SAWM TIHDAM LEH MIZO RINGTU NUN

— Chhantea (Oriela patea)
E. Lungdar

LUKA 17:12-19
Tin, khaw engah emaw a luh dâwnin, mi, phâr hlîr sâwmin an tâwk a; chu mite chu hla takah an ding a; Tin, a hnênah, “Tho la, kal rawh; i rinna hi i dampui a nih hi,” a ti a. He awze mi chauh lo hi Pathian fak tûra lo kîr leh an awm na nge?” a ti a. Tichuan, Isuan a chhâng a, “Mi sâwm kha in lo thiang ta a ni lâwm ni? Pakuate kha khawiah nge? tin, a ke bulah a bawkkhup a, lâwm thu a sawi a; chu mi chu Samari mi a ni nghe nghe a. Tin, an zînga pakhat chu a dam ta tih a inhriat veleh, aw ring taka Pathian fak chungin a kîr leh ta a; Tin, ani chuan anmahni chu a han hmuh chuan an hnênah, “Puithiamte hnênah va inentîr tawh u,” a ti a. Tin, heti hi a ni a, an kal lai chuan an lo thiang ta hlawm a. tin, aw ring takin, “Isu, Zirtîrtu, min khawngaih rawh,” an ti a.

Kan Lal Isua’n he khawvêla hringchan taksa a rawng a bâwl lai khan a rawngbâwlna kha mithiam ten ṭhuang thum in an ṭhen ṭhin.

1. Thuhril
2. Zirtir
3. Tihdam

Heng zînga Bible pawhin a sawi lan tam ber zîng ami chu tihdam hna a thawh leh thilmak dang a tih te a ni âwm e.

Bible a kan Lal Isua’n a tihdam te hi chuan a tlângpuiin a thu an awih a, amah an ring a, an zui nghal bawk tlangpui a ni. Chutih laiin tûna kan Bible thu châng lo dahchhuah-ah khi chuan phâr 10 te zînga pakua te khi chuan an zui nghal lo ni âwm tak a ni, an lo thianghlim taah khân an lâwm êm êm ang tih chu a rin theih a. Chutihrualin a tidamtu hnêna kîr a lawmthu sawi leh a tidamtu thuawih a zui zûi têk zêl lam kha an ti lêmlo niin a lang. An zînga mi pakhat awze mi (Juda mi ni lo) chauh kha a hnêna lawmthu sawi in a lo lêt leh anih kha.

He kan Zoram ringtu te pawh hi phâr lo thianghlim ta 10 zînga pakua te ang ringtu hi kan tam âwm hian ka va han ring êm aw!

Lal Isua hi kan na min tidamtu atân te, kan phurrit min chhâwk zângkhai tûr atân te chuan kan duh êm êm ṭheuhin ka ring. Kan ramah hian kohhran tinin thuhril mi (revival team) ṭha tak kan nei ṭheuh a, chumi piahlamah mimal ṭhahnemngaihna a thuhril a vêk vêl leh fellowship hrang hrang kan la nei bawk. Chumai nilovin kan ram hian malsâwmna kan dawng nasa in tihdam rawngbâwlna hnathawk tûrin Pathianin kan ram tân a hunlai zêlin mi hman bîk a nei reng bawk.

Chûng kan ram tâna mi hmante kaltlang chuan kan natna te tihdamin kan awm a, mihringten a kan beisei tawh hauhlo thil te kan chungah thlengin social media kaltlangin chung chu kan hmu châmchi a nih hi. Pathian hmangaih malsawmna heti fakaua kan dawng hi kan phû rêng em? Lâwm a amah zui a, a rawngbâwlnaah thûk zâwka in hman hi kan tih tûr ni awm tak a ni.

Mahse, a zawng zawng chu ka ti lo, ṭhenkhatte erawh hi chuan phâr 10 zînga 9 te ang mai khan… a tihdamnaah hian kan lâwm tâwk mai niin a lang a, a tân a nun ve a, a hniakhnung zui a, a rawngbâwlnaa inpêk zui zêl lam hi kan hlamchhiah ta deuhvin a lang. Awze mi mai mai pawh tluklo ringtu hi kan ni hlauh ang e.

Pathian hian kan nun, kan taksa, kan engkim hi a duh, chumi atân chuan min tidam a, min chhâwk a, min thlamuan a, chawlhna min pe zâwk a ni. Mahse keini chuan mi tidamtu atân bâk hian kan duhlo niin a lang.

“Pathian hi Pathian angin nge kan biak a chiahhlawh ang in kan bia?” tih hi mahni ngun takin i inzâwt ang u.

Pathianin a thu malsâwm rawh se.

avatar
3 Comment threads
0 Thread replies
0 Followers
 
Most reacted comment
Hottest comment thread
3 Comment authors
JacobMaawmisavidge Recent comment authors
  Subscribe  
newest oldest most voted
Notify of
savidge
Guest
savidge

van tha em..ka hlawkpui ngawt mai

Maawmi
Guest
Maawmi

Amen…a va hlu in Ava ropui tak em….Lalpa fak Chung zelin…

Jacob
Guest
Jacob

A dikin a pawm tlak hle mai. Thiltih mak chiah duh, a taka Isua zui peih lo hi a tam zawk kan ni.

Copyright © 2017-2019 Our Daily Bread Mizo.
Privacy Policy