HUN AWL HMAN ṬHAT, FIMKHUR

HUN AWL HMAN ṬHAT, FIMKHUR

— C. Lalengkima
Champhai Vengsang

Kan tunlai boruak tawn mêk hi a harsain a khirh hle mai. Inkhâwm te hial pawh tih tâwp lailâwk a lo ni a, news lamah leh social media lamah lah ni se, chanchin ṭha lo lam kan hre hnem mawlh mawlh hle mai. A thlaphân awm rêng lah tak a. Mahse, tun hun tak hi a ni kristian kan nihna lanchhuah tîrna hun ṭha chu le. Sorkhar thu chhuak te ṭha takin zâwm ila, chhuak vâk tam lovin, in lamah tawm tam ila. Kan himna tûr a nih mai bâkah, Pathian nêna fianrial hun kan hman theihna remchâng tak a ni.

Kan manganni leh mi zawng zawng an beidawn tâwpah pawh keini kristiante chuan belh tûr Pathian kan nei tih hre rengin, Pathian au ila, i ṭawngṭai mawlh mawlh ang u. He hun harsa tak kan tawn mêk hmang ngei hian, Pathian lamah hlâwkna kawng khat tal chhar chhuah i tum ṭheuh zâwk ang u. Chiai hun a ni lo e. Pathian auh hun, Pathian zahngaihna hmu tûra hma lâkna hun a ni tih i hre thar zâwk ang u.

THUFINGTE 22:3
Mi hmanghria chuan thil ṭha lo chu a hmuhin a biru ṭhîn a; Mi mâwl erawh chuan a tâwn mai ṭhîn a, a tuar phah ṭhîn.

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Lalnunmawii Recent comment authors
  Subscribe  
newest oldest most voted
Notify of
Lalnunmawii
Guest
Lalnunmawii

Amen

Copyright © 2017-2020 Our Daily Bread Mizo.
Privacy Policy