THLÊMNA

THLÊMNA 2

— R.K. Vanlalhruaia
Kathmandu, Nepal

1 KORINTH 10:13
Mihring tuar theih ang chauh lo chu thlêmna rêng rêng in chungah a thleng ngai lo. Pathian zawng a rinawm a ni, ani chuan in tuar theih tâwk aliam chu thlêmna in tawh a phal lo vang; in tuar theihna tûrin thlêmna rualin tlân chhuahna kawng a siam nghâl zâwk ang.

Helai thu-ah hian Pathian hmangaihna leh khawngaihna ropui deuh puan chhuahin a awm leh a. Pathian hian min ngaihtuah hlê mai tih hi rilruah a lo awm a, thlêmna kan hneh loh tawp tûr chu kan hmachhawn a phal dâwn hauhlo tih hi a lawmawm hle a ni.

Mahse, ringtute hi kan va tlu nasa si ve le? Hengte hi ngaihtuah ta ila –

1) Ringtu inti zawng zawng hi Pathian fate kan nilo a ni mai thei, setana hian a thlêm hran ngailo ama ta ni sa, a duh anga a thunun theih hi an awm ṭeuh zâwk a ni ang em?

2) Thlêmna hi kan hmachhawn hma hmain kan lo tlâwm zûl zûl mai ṭhin a ni ang em?

3) Thlêmna hi kan pan ruak ruak zâwk emaw ni le?

Mahni ṭheuh kan awmna lai a inhriat mai awm e. Thlêmna thu-ah hei pawh hi hre thar leh ta ila –

JAKOBA 4:7
Chutichuan, Pathian thu thuin awm rawh u; amaherawhchu, Diabola dodâl rawh u; tichuan, a tlân bosan ang che u.

Subscribe
Notify of
guest
Email will not be published
0 Comments
Inline Feedbacks
View all comments
Copyright © 2017-2020 Our Daily Bread Mizo.
Privacy Policy
0
Would love your thoughts, please comment.x
()
x