A RAM LEH A FELNA

A RAM LEH A FELNA

MATTHAIA 6:33-34
A ram leh a felna chu zawng hmasa zâwk rawh u; tichuan, chûng zawng zawng chu a pêk belhchhah dâwn che u nia. Chutichuan, a tûk atân lungkham suh u, a tûk chuan ama tân a lungkham chawp dâwn si a. Ni khat atân ni khat hrehawm chu a tâwk a ni.

Khawvêl thil lungkham a mangang phi ruai lo tûrin min hrilh. A ram leh a felna zawng hmasa tûr chuan amah kan rin a ngai. A ram chu Pathian lalna leh thuneihna a ni. A felna pawh kan zawng tûr a ni.

A tûk atân lo lungkham lâwk lo tûrin min ti a. Pathianin kan tlâkchham tinrêng min pêk a tiam (Phil. 4:19). Manganna hi Setana râlthuam a ni a, kan rinna a tichak lo va, a tichhe ṭhin.

Pathian kan dah hmasak ber a, kan nunah thuneihna kan pêk hian a ram leh a felna kan zawng hmasa a ni. Kan duh dân kan dah lal zâwk avâng hian a ram leh a felna kan zawng thei lo a ni. Thil dang zawng zawng aiin amah chauh chu duh ber la, i mamawh dang pawh a pe ang che.

A ram leh a felna chu zawng hmasa ula,
Tichuan heng zawng zawng hi a pe ang che u:
A ram leh a felna chu zawng rawh u.

Zawn hmasak tûr kan zawng em le?

One Comment

  1. Last Paragraph hi a tha ngei mai. Ka mamawh lutuk. Ka copy a nia aw. Hriat reng atan ka duh a. Ka lawm lutuk e.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.