RORÊLNA NI ROPUI

RORÊLNA NI ROPUI 1

MATTHAIA 25:31-33
Amaherawhchu, Mihring Fapa hi chu, a vântirhkohte zawng zawng nên, a ropuinaa inthuama a lo kal hunah chuan, a ropuina ṭhutphahah a ṭhu ang a; a hmaah chuan hnam tin an inkhâwm ang a; berâm vêngtuin kêl zîng ata a berâmte a hlîr angin anniho chu a hlîr ang a; berâmte chu a ding lamah a dah ang a, kêlte erawh chu a vei lamah a dah ang.

Khawvêl ram hrang hrangah thubuai neite rorêlsakna hmun Court chi hrang hrang a awm a, tah chuan rorêltu chi hrang hrang an awm bawk a. Thubuai neiten thiam an chan theih nan dân lam thiam mi sawipuitu tûr (ukil) an ruai bawk ṭhin. Court-a a thiam zâwk nih a nawm viau laiin a thiam lo zâwk tân chuan a zahthlâkin a mualpho thlâk hle ṭhin.

A chunga kan hmuh ang khian Lal Isua ropui taka a vântirhkohte nêna a lo kal hunah chuan a ropuina ṭhutphahah a ṭhu ang a, khawvêla mi tinrêngte ro a rêlsak ang a, thiam a chantîrte chu a ding lamah a dah ang a, chatuana ropuina chang tûrin vân ramah a lâwm lût ang a, thiam loh a chantîrte chu a vei lamah a dah ang a, chatuana hrem tûrin hremhmunah a paih dawn a ni. Unau duh tak, ngun takin inngaihtuah rawh le. Rorêlna ni ropui i hmaah a awm a, i pumpelh dâwn lo, i thiltih ang zêla rêlsak i ni ang. Thiam i chan i inring em le?

One Comment

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.