A PAWI LO, A PAWI LO

Sam 46:1
“Pathian chu kan inhumhimna leh kan chakna, Mangan laia tanpui vartu hnai reng a ni.”

.
He hla phuahtu hi Chicago Lawyer lar tak, Horatio G Spafforda a ni a. A hla thuah hian, ‘When peace, like a river, attendeth my way, When sorrows like sea billows roll;’ tih kan hmuh avangin hlim lai leh lawm lai taka phuah ni thei hian a lang lo.
.
October 20, 1828, North Troy, New York ah a lo piang a. Mihring tawn atan chuan lungngaihna vawrhtawp ni tura ngaih G Spafford-a hian a tawngbua a. Kum 1870 khan a fapa neihchhun kum 4 mi chuan a boralsan a, a kum leh 1871 khan Chicago Fire an tih kangmei rapthlak tak chhuakah Lake Michigan-a a in leh lo ram zau tak mai a kang ral leh vek a.
.
Chicago Fire a zawh hnu kum 2-ah, an chhungkua chu Europe ramah zin khawthawn tum leh thuhriltu lar tak DL Moody leh Sankey rawngbawlna puibawm turin kal an rel a. An kal dawn darkarah Spafford-a chu a sumdawnna thil avangin an rawn be thut a, a kalve thei ta lo a.
.
A tel loin a nupui leh a fate chu ‘SS Ville de Havre’ an tih lawngah November ni 22, 1873 chuan a kal tir ta a. Mahse a nupui leh fate chuanna lawng leh English lawng ‘The Lochearn’ an tih chu a insu ta mai a, Spafford-a nupui leh fate chuanna lawng chu minit rei lote chhungin tuipuiah a pil ta a. Mi 226 laiin nunna an chan a. A nupui erawh chhanchhuah hman a ni a, mahse a fa 4 ngawtin nunna an chan leh a ni.
.
A nupui-te chanchin chu ni 9 hnuah Telegram hmangin a hria. An fanu te ber, Bertha Spafford nen lawngin a nu leh unaute Chetsualnaah chuan va kalin a hmun an thlen meuh chuan Spafforda lungchhe vankai chuan lawng Cabin-ah tlan lutin he hla hi a lo phuah ta a ni.

A pawi lo, A pawi lo,
Chatuan nunna chang thei ilangin.