ISUA TEMPLE-AH

LUKA 2:42-43
Tin, ani chu kum sâwm leh kum hnih a nihin kût dân pângngaiin an han kal a; tin, an ṭiaka, an haw laiin naupang Isua chuan Jerusalem khuaah a awmsan a; a nu leh a pa chuan an hre si lo va.

Jerusalem khawpui aṭanga mêl sawmpanga biala awm Juda mipa puitling (kum sawmpahnih) chin chu Kalhlen Kûtah an tel tûr a ni. Isua pawh kum sawm pahnih a tlin chuan ‘Dân fapa’ tia koh niin, a vawi khatna atân Jerusalem-ah Kalhlen Kût a tel tûrin phûr takin a kal. A nu leh pa te rual a haw lovin Pathian Biak inah zirtîrtute zînga ṭhu a thu ngaithla leh zâwtin a awm a ni.

A nuin an zawn thu a sawi chuan Isuan, ‘Ka pa ina ka awm tûr in hre lo vem ni?’ tiin a chhâng. Nazareth-ah an kîr leh chuan an thu zâwmin a awm (Lk 3:51). Kan awm duhna hmun hi Biak in ni thei se, kan ngaihthlâk duh ber pawh Pathian thu ni zêl rawh se.

Hlim tlâng takin kan inkhâwm ang e,
Kan thinlung a lo thianghlim chuanin,
Ama hnênah kan inkhâwm ang e,
Kan chatuan vân inah.

Isua angin nu leh pa thu i zâwm ang u.