MARI FAKNA HLA

LUKA 1:46-55
Tin, Marin, “Ka nunin Lalpa a chawimawi e, Ka thlarau pawh mi chhandamtu Pathian chungah a lâwm ta êm êm a. A bawihnu hnam tlâwmzia a hmu a, a khawngaih a … A chhiahhlawh Israel-te chu a chhawmdâwl ta a,”.

Mari’n Isua pai tûr a ni tih a inhriat hnuah Elizabeti tlawh tûrin Nazareth aṭanga km 80 zeta hlaah a zin a. Mari chibai bûk thâwmah Elizabeti pum chhûnga nautê chu a che a, Elizabeti pawh Thlarau Thianghlimin a lo khat ta nghal a. Chu mi zawhah chuan he fakna hla hi Mari’n a rawn chham chhuak ta a ni.

He fakna hla hi kohhranin A.D. 507 aṭang khan inkhâwmnaah an hmang ṭhin a. Hani hla (I Sam 2: 1-10) nên pawh a inang viau a ni. He hlaah hian Mari’n a chunga Pathian ṭhatzia a fakna te, mi liante tlâkchhiat tûr thu leh mi retheite nihlawh ve hun a thlen tûr thu te leh Pathian thutiam lo thlen dik dâwn tûr thute a ni. Piangthar tawhte hi Lal Isua paitu dinhmunah kan ding ve a, kan nun hian Lalpa a chawimawiin min chhandamtu Pathian chungah hian kan lâwm ve em aw? I inen fiah ang u.