Nun Kawng Chaw

NAZARETH NAUPANG

NAZARETH NAUPANG

MATTHAIA 2:20-21
“Tho la, nautê leh a nu hruai la, Israel ramah kal rawh: naute thah tumte kha an thi tawh e,” a ti a. Tichuan, a tho va, nautê leh a nu chu a hruai a, Israel ramah a lût ta a.

Aigupta (Egypt)-a an awm laiin mumanga hrilh a nih angin Joesefa te chhûngkua chu Israel ramah an lo kîr a. Arkeleusa chu a pa Heroda aiawhin Judai ramah a lal a. Mumanga hrilh a nih angin Galili rama Nazareth-ah an chêng ta a. Hetih lai hian Judai rama chêngten Galili biala chêngte an hmusit hle. Pathianin Bethlehem nula Mari a thlang te, Isuan seilen nân Nazareth a thlang hi mi tam tak tân fuihtu ṭha tak a ni (Jn 1:46).

Nazareth aṭang chuan khawthlang lamah Mediterranean Tuipui a awm a, phaizawl lamah Damaska aṭanga Aigupta panna, Sanghâwngsei rual kalna kawng lûn tak a awm a, chhak lamah Rom panna kawng a awm bawk. Pathian hian pianna khua leh chhûngkaw ropuia mite a rawngbâwl tûrin a thlang kher lo. Mi inpe apiangte hnênah a inpuang zâwk ṭhin.

Zui rawh, zui rawh, kei pawh ka zui ve ang,
Khawiah pawh ram tinah ka zui zêl ang a.

Khawi hmun aṭang pawhin Lal Isua a zui theih.

Leave a Reply

Your email address will not be published.

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.