BERAMAH CHANG

2 KORINTH 8:9
‘Kan Lalpa Isua Krista khawngaihna ngahzia chu in hria e; a retheihna avânga in lo hausak theih nân, hausa hle mah se, nangmahni avâng ngeiin a lo retheih tâk kha.’

Mi pakhat, Beram 100 chuang nei a awm a. A beramte vêng tur chuan chhiahhlawh a nei a. A chhiahhlawh chuan nitin Beramte chu kal chhuah puiin phuûlah te a awm tìr ṭhin a ni.

Tlai khat chu Beram-te an rawn haw kim ta tlat lo mai a. Pathum lai mai an bo thu a chhiahhlawh chuan a sawi a. Beram neitu chuan an bo dan te a zawt a. Chhiahhlawh chuan nasa taka a zawn thu leh khâm leh ngaw dur khup-a an bo a rin thu a sawi a, chuta va zawng tur chuan a hlauh thu pawh a hrilh a.

Beram neitu chuan a Beram-te chu a hmangaih em em a, a ngaina a, a rilru chuan tihian a ngaihtuah ta a.

“Ka Beram-te zawng tûra kei ka kal chuan ka Beramten min hre dawn si lo a. Ka chhiahhlawhpa lah a kal ngam tawh bawk si lo. Ka tih theih awm chhun chu anmahni anga ka insiam a, an zìng ami anga min hriat theihnan ka insima a ngai a ni” a ti a. Tichuan a thawmhnaw ṭha tak chu a phelh a, Beram vun sin chungin a Beram bote zawng turin a chhuak ta a.

Zan a ni tawh a, khâm leh ngaw dur khup kaltlang a ngai a, Beram neitu chuan a hreh hle, mahse a Beram bote chhanchhuak turin a kal a ngai si a. Rei tak a vah hnu chuan a hmu ta a, Beram bote chuan anmahni angah ngaiin an zui ta a, tichuan a Beramte chu dam takin a hruai haw ta a ni.

2 KORINTH 1:10 – Chutia thih hlauhawm taka kan awm chu min chhan chhuak a, min chhan chhuak leh bawk ang a; min la chhan chhuak zêl ang tih kan ring tlat a ni.

‘Amaherawhchu, Pathianin min hmangaihzia a lanna chu – mi sual kan nih reng laiin Krista kan tân zu thi a!’ – ROM 5:8