RO KHAWLKHAWM

MATHAIA 6:19-20
Leiah, thîm leh tuiêkin a ei chhiatnaah, rûkruten an reh pawha an rûknaah hian in tân ro khâwl khâwm suh u. Vânah, thîm leh tuiêkin a ei chhiat lohnaah, rûkruten an reh pawha an rûk hek lohnaah chuan in tân ro khâwl khâwm zâwk rawh u.

Vawikhat pian ve manah rethei deuh nih ai chuan hausa deuh emaw khawsak pangngai ve tawk tak nih chu tute pawhin kan châk qheuh awm e. Amaherawhchu hausakna leh duh zawng apiang neih theihna hian kristian ngaiha kawng dik chu sawi loh khawvel ngaiha kawng dik zawhna ata min hruai bo thei a ni.

Mihausa tak pakhat hi a damlo a, a thi ṭep tawh tihah chuan a sum leh pai leh rohlu dangte chu a khum bulah chuan a lakkhawm tir a, a tam hle a ni. A damlaiin sum leh khawvel lo chu ngaihtuah dang a nei ngai lo a, a ngah thawkhat ang tih chu a rin theih. A thih dawn chuan a chhiahhlawh hnenah, a kawr ipte-ah chuan pawisa tam tak dah turin a ti a, a mutna bulah dah ṭeuh turin a ti bawk a.

Chu mi hausa pa chu a thi ta ngei mai a. Thlarau khawvelah chuan a kal ve a, nunna bu-ah a hming an han zawng a, awm lo zawn chu a rei duh em avangin a ril a ṭam a, restaurant-ah chuan pawisa in ti ngah tak chuan a châwl a, a duh tâwk a ei hnu chuan a ipte-a a chhiahhlawhte pawisa ah tir chu pêk a han tum a, mahse a pawisa te chuan chulai hmunah chuan hlutna reng reng a lo nei ta hauh lo mai le. A ipte-ah chuan a khatin sum a ak a, mahse lehkha chhia pawh an tluk tawh si lo a ni. Chu hmunah chuan khawvela mite tana pawisa a pêkchhuahte chauhin hlutna an lo nei ta si a ni.

Kan damlaini rei lo takah hian midangte tana malsawmna te, hmangaihna te kan lantir hi vana ro khawlkhawm dan ṭha tak a lo ni e.