CHHUANLAM SIAM

LUKA 14:18-19
An za chuan inthurual ang maiin an lo pha ṭheuh va. A hmasa ber chuan, ‘Lo ka lei a, a enin ka kal a ṭûl a ni; khawngaih takin mi han phatsak ang che,’ a ti a.

Dublin, Ireland rama chêng Rev. Sidney Laing chuan chhuanlam siam reng kohhran-mi, inkhâwm thatchhe lutukho chu tihngaihna a hre lo a. A tâwp a tâwpah chuan an kohhran bulletin-ah hetiang hian a ziak:

“Ka intihfai fo lohna chhan sawm (10)”

1. Nausen anga bual ka la ngaih avangin.

2. Intifaite chu mi verther, tha si lo ṭha anga lan tum an ni a. Midangte aia faia inngaite an ni.

3. Sahbawn chi hrang hrang a awm a. Hman tur ṭha ber ka hriat loh avangin.

4. Easter leh Krismas velah chuan ka la intifai peih tho mai.

5. Ka ṭhian ṭhenkhatte pawh an intihfai ngai loh avangin.

6. Ka la ṭhalai em em a. Ka upat huna ka balh deuh hunah ka la intifai ang.

7. Intihfai nan hun ka nei lo êm atin ni.

8. Bathroom hi a nuam lo a, a vâwt theih êm avangin.

9. Ka intifai ve zeuh zeuh ṭhin a, mahse a ninawm êm avângin ka peih ta lo a ni.

10. Sahbawn siamtute reng reng pawh hi an sum duh vâng maia siam an ni.

Kohhran member zât thlirin inkhawm zât induhkhawp lohna lian ṭhin hle mah se Pathian khawngaihna changin ram dang ngaihtuah chuan Mizoramah inkhawm hun/zân kan neih tam ang aiin kan la ṭha em em a, a lawmawm hle.

Chhuanlam siam leh peih loh avanga inkhawm loh leh Kohhran programme ngaih pawimawh loh erawh Pathian pawisawina rapthlâk tak a ni a. Kohhranah a kûl a taiin inhmang lo mah ila, a kûl a taia Kohhran kut ke kan ni. Chuvangin ringtu tân chuan Kohhran nghen tlat hi himna kulh pawimawh tak a ni.