TLUKTU NEI LO ISUA

TIRHKOHTE 4:12
‘Tu dang hnênah mah chhandamna a awm lo, vân hnuaia mihring hming sak zîngah min chhandam thei hming dang rêng rêng a awm lo,” a ti a.

Kan Pathian chu he khawvêl mihring ropui tak takte nêna khaikhin rual a ni lo a. Ani chu min siamtu leh min din tu, awm lo ata awma min siamtu a ni. Mahse tu tih hriat loh mipakhat chuan hetiang hian Isua Krista ropuina a lo tehkhin a.

Socrates-a chuan kum 40 lai thufing tak tak a zirtîr a, Platoa pawhin kum 5 a zirtîr a, Aristotle-a pawhin kum 40 a zirtîr a, mahse Isua Krista chuan kum 3 chauh zirtîr hna a thawk hman a ni. Chutihrual chuan Lal Isuan kum 3 chhûng chauha a zirtîrna chuan hnutchhiah a nei ropui ber a, khîng mifing tak tak zirtîrna kha a khûm hneh hle a ni.

Isuan milem engmah a ziak ve lo a, mahse Raphael-a te, Michelangelo leh Leodardo Da Vinci te lemziak ropuina chu Lal Isua thiltih hlimthla aṭangin a ni.

Isuan poetry a ziak ve lo a, mahse Poetry avânga khawvêl mite hriat Dante te, Milton-a te kha Lal Isua chanchin avânga ropui an ni. Isuan hla a phuah ve lem lo a, mahse hlaphuah kawnga khawvêl mite ngaihsân, Haydn te, Handel te, Beethoven te, Bach leh Mendelssohn te khân Isua chanchin leh a thuchhuak chu hla-a an siam avângin mite hriat an hlawh mai a ni.

Khawvel mite ropuina leh hlawhtlinna chu he Nazareth mi, thing mistiri inngaitlâwm tak, Isua vâng a ni. A ropuinain hring fate chhandamna kawng a hawng a, thufing dang, lemziak thiamna te, thu leh hla leh rimawi te hian chu chhandamna chu min pe thei lo a. Lal Isua chauhin sal tânna sual phuar chu a tichat ta a ni.

Tluktu nei lo Lal Isua chuan kan thinlungah thu a sawi thei a. Chaklohna ata min tichak thei a, thlarau boralte chu nunna a pe thei a ni, tiin.

1 KORINTH 3:11– Lung rem tawh sa lo chu tu man lungphûm dang an phûm thei ta lo, chu lungphûm chu Isua Krista hi a ni.