THLARAU LEH TIH TAKZET

JOHANA 4:24
Pathian chu thlarau a ni a, amah chibai bûktuten thlarau leh thutakin chibai an bûk tûr a ni,” a ti a.

Thawnthu pakhat-ah chuan: Mifing pakhat hian kawngah mi pathum hi a tâwk a. Pakhat chu pa dawldang tak leh hlauh hmelpu tak a ni a. “Engtizia nge?” tiin a zâwt a. Chupa chuan, “Hremhmun kal ka hlau em a ni” a ti a. Mifing chuan “Finna bul Pathian tih lova hremhmun i hlau zâwk chu thil pawi tak a nih chu, i sakhua biak a dik lo anih chu, hremhmun aṭanga mahni inchhandam tuma i beihna chu thamna ang a ni asin” a ti a.

Pahnihna a tâwk leh a, ani pawh chu a thawpik hle a, “Nang chu engtizia nge?” tiin a zâwt a. Chupa chuan, “Van hlimna leh chawlhna nuam chu ka chang ve tih ka hlau tlat atin ni” a ti a. Mifing chuan, “Siamtu Pathian leh a hmangaihna mak tak mai thlîr lo va, a thil siam vâna kal duhna ringawt avânga Pathian i bia hi a dik lo a ni” a ti a.

Chutia mi pahnihna a biak hnu chuan pathumna chu a tâwk ve ta a. Ani chu a hlimin a lungawi hmel hle a. A hnenah chuan, “Eng nge ni i hlimna leh i lawmna chhan hi?” tiin a zâwt a. Chupa chuan, “Pathian, thlarau leh tihtakzeta amah be tura min zirtirtu hnena ka dîlna ber chu amah chu thinlung leh thlarauva ka hmangaih takzet theihna tur leh hmangaihna avang chauhva amah ka biak theihna tur hi a ni. Hremhmun hlauh vang ringawta amah bia ka lo nih chuan hremhmunah chuan min dah mai zâwk se la. Tin, Vanram kal duh vang ringawt a rawngbawl ka lo nih chuan vanrama ka kal chu phal lo mai zâwk se la. Amaherawhchu hmangaih avanga amah chu bia ka nih chuan ka hnenah ani chu a rawn inlâr ang a, tichuan ka thinlung chu amah hriatnain a lo khat liam dawn a ni” a ti a.

MATHAIA 10:28 – Taksa tihluma thlarau tihlum thei lote chu hlau suh u; hremhmuna thlarau leh taksa tiboral theitu erawh chu hlau rawh u.