EIZAWNNA NGAIH PAWIMAWH

1 THESALONIKA 4:11-12
Kan hrilh tawh che u ang khân, ngawi renga in kuta mahni hna thawh uar rawh u. Chutichuan, pâwn lam mite hmuhah mawi takin in khawsa thei ang a, eng mah tlâkchham in nei lo vang.

Chhungkaw khawsak theihna tûra kan thawhpui ber hi kan eizawnna chu a ni mai a. Hei hian sorkar hna leh sum kan hlawh chhuahna tûra kan thawh apiang a huam thei vek mai awm e. Dam loh vang leh rokhawlhna bîk tak vâng ni lova ai kal intirh ang chi te leh mahni thawhna hmuna awm loh te hi kan chîn loh a ṭha.

Hlawh neia kan thawhna ngai pawimawh lova ṭul tlachawp danga inhman chhuah tam lutukte hi kan bansan a hun. Mahni hna chân ngama miin rawng a bâwl theih chuan a fakawm. Chân ngam lo chuan a eizawnnaah rinawm takin thawk rawh se. Chhiatni / ṭhatni vela mipui tâna dawr tur awm lo khawpa Office chhuahsana kal kan chîng te pawh hi chhunzawm zel chi a ni em aw? Kan eizawnnaah hian i rinawm ang u, kan rawngbâwlna tho a ni.