TUARNA PAWH HLÂWKNA

ROM 8:28
‘Pathian hmangaihtu, ama ruat anga a kohte tân chuan, an ṭhatna tûrin engkimin a thawhsak ṭhîn tih kan hria;’

He khawvêla lo piang tawh phawt hi chu tuarna pumpelh thei tumah kan awm lo. Hetiang hi ni mah sela ringtu nunah chuan Lal Isua hnehna zârah tuarnain awmze thar a nei tawh zâwk ṭhin a. Ringtu chuan a tâna ṭhatna tûra Pathian thawhsak a nihna a hrethiam a, tuarna pawh a tân hlâwkna a lo ni ṭhin.

Mihring nunah hian eng hi nge malsawmna ni a, eng hi nge vânduaina? tih hi hriatthiam a har hle. Lei malsawmna nia kan hriatte hi a ṭhenin chhiat phah nân leh chatuan nun chân phah nân an lo hmang a. A lehlamah natna leh thihna te ngei pawh chatuan nun neih phah nân leh hlâwk nânte hmang an lo awm ve bawk a. Engpawh nise, engkim mai hi a dawngtu dawn thiam dan azirin malsawmna leh ânchhia a ni thei vek a ni. Lal Isua ringtu chuan vânduaina nia lang pawh thlarau lamah hlâwk nân a hman ṭangkai thiam a pawimawh a ni.