I DING NGHET ANG U

2 THESALONIKA 2:15
Tichuan, unaute u, ding nghet ula, kan thuhrilah leh lehkhathawna kan zirtîr ṭhin kan thu hlan chhâwn che u kha pawm tlat rawh u.

Mizote hi kan hnam a naupan ang angin kan nun pawh hi a nghet lo a. Kan inchei duh dan kan thlâk zin dânah leh kan hmalâkna hrang hranga kan insawn dêm dûm ṭhin hian kan nun a ngheh lohzia a tilang.

Kan nun ze nghet lo tak hian kan rinna lam thleng pawh hian nghawng a nei niin a lang. Kohhran pâwl hrang tam lutuk te, camping leh crusade-a in chhem nun a ngai zing lutuk te hi kan ngheh lohzia târlangtu a ni. Pa pakhat chuan, “Kohhran pâwl hrang paliah ka tel tawh a, ka awmna apiangah ka nghet viau zêl,” zuk ti a!

“Isua Krista chu niminah nên, vawiinah nên, kumkhua pawhin a pângngai reng a ni. Zirtîrna chi dang dang leh mak tak tak hruai bovin awm suh ula…” – HEBRAI 13:8-9