MI THATCHHIATE HMABÂK

THUFINGTE 19:24
Mi thatchhia chuan thlêng zen chu a peih a, Mahse, a bâr peih lo.

Mizo chanchinah mi thatchhe tak; Samdâla kan nei a. A ram vahnaah theipui hmin a hmu a, a lawh peih loh avângin a hnuaiah a mû a, a âng ta a. Rei vak lovah a ka chhûngah pakhat a lo tla a, a tîrah chuan a ṭhial peih lo va, a tâwpah chuan, ‘thâ chu thâ ngang ngang’ tiin a ṭhial a, a lem ta hrâm a ni an ti. Thufingin a sawi nên hian an in an hmêl hle mai. Hetiang hian mi thatchhiate hmabâk thimzia han târlang ila –

a) Mi thatchhia chuan ram vâka a kah rawh tur a nei lo (12:27).
b) Mi thatchhia chuan rilṭâm a tuar ang (13:15b).
c) Mi thatchhia erawh chuan tlâkchhamna lam chauh a pan a ni (21:5b).

Pathianin hun a inzah ṭheuhvin min pe a, leilunga hausakna a dah hai chhuak peih lo apiang an hmabâk a thim mai dâwn a ni. In chhûngkuaah thatchhe deuh in awm em le?