THLARAU THIANGHLIM TI LUNGNGAI SUH U

– Chhantea (Oriela patea)
E. Lungdar

EPHESI 4:30-32
Tin, Pathian Thlarau Thianghlim chu tilungngai suh u, tlanna ni atân chuan amahah chhinchhiaha in awm kha. Khâkna te, thinurna te, tauhna te, ânna te, sawichhiatna te zawng zawng chu bânsanin awm rawh se, sualna zawng zawng nên. Tin, inkhawngaih tawna lainatna neiin awm ula, Pathianin Kristaa a ngaidam che u ang bawkin inngaidam tawn rawh u.

Thlarau Thianghlim hi ze nei, keimahni avanga lungngai ve thei a ni. Pathian leh a thu anga kan nun loh hian tlanna nî atâna amaha min chhinchhiahtu Thlarau Thianghlim hi a lungngai asin. Thlarau Thianghlim meuh sawichhia chu ngaihdam an nihloh tûr thu Lal Isuan a sawi kha. Chuvangin a ti lungngai zâwng a awmlo turin kan duhthlanna hi a lama hman dik a va pawimawh em.

Hêng keimahni mihring mizia a awm thinurna, khâkna, huatna, thîkna zawng zawng te hi nuaibo a a awm a, inhmangaiha kan inngaihdam tawn hian Thlarau Thianghlim hi a lâwm ṭhin ang. Chumi tur chuan mihring hian chunglam thawhsak nghâk lovin kan duhthlanna ngei a Pathian duhzawng kan thlan hi a va ṭûl tak em.

Vawiin ah hian i duhthlanna kha i nun hruaitu a ni dawn a. Kawng dik i zawhpui dâwn nge kawng diklo zawhin Thlarau Thianghlim chu i ti lungngai dawn le? Vawiin hi i tan i chatuan hun inṭanna a ni thei asin.

Lalpa’n a thu malsâwm rawh se.