HLIM HMÊL

THUFINGTE 15:30
Hlim hmêlin mi a tilâwm a, Thu lâwmawmin mi a tiharh.

Hun rei tak liam taah khan, thingtlang khaw pakhata hmun pakhatah chuan, ‘Dârthlalang sangkhat awmna in (The House of Thousand Mirrors)’ an tih hi a awm a.

Chu chu ui pakhat hian a lo hre ve a, a va kal a, kailâwnah te chuan a han chho vêl a, a hlim êm êm mai bawk a. Chutia a kal vêl lai chuan a hlim tih a beng a tun chhoh dânah te, a mei vai dân leh a hmêl awm dân aṭang chuan a hriat a ni.

Chu chu dârthlalangah chuan a va hmu a, amah ang ui sâng chuangin a hlim hmêl an rawn hmu a, an lo lâwm a ni tih ava hmuh chuan mak a ti êm êm a, a haw hnû chuan remchâng hmasa berah kal leh a tum a ni.

Ui dangin chu hmun chu a va tlawh ve a. Mahse ui hmasa ang khân a hlim ve lova, a ring a tun lova, a mei pawh a hlap lova, hlim hmêl pawh a nei lo a ni. Chutia dârthlalanga a han en chu ui sâng chuangin a hlim lo hmêl an lo hmuh chu a thinrim a, a bauh a, an rawn bauh lêt ve zêl bawk si. Thinrim tak chuan a hawsan ta a, ani chu kal leh a tum ta lova.

Aw le, he khawvela kan chênpuite hi dârthlalang ang an ni a. I mi tawnte lak aṭang hian eng hmêl nge i hmuh ṭhin. I hmuh loh chuan hlim hmêl (smiling face) an hmuh tîr ngai che em le!

Hlim hmêl hi khawvel thil hmuhnawm ber leh hmuh nuam ber a ni.