MAHNI TANA IN SA

THU PUAN 2:10
Thih thlengin rinawmin lo awm rawh; tichuan, nunna lallukhum ka pe ang che.

Thing mistiri upa tawh tak mai hi a awm a, ni khat chu a pu hnênah hian a hna chu bân a, hlim tlâng taka chhûngkaw awm ho a duh tawh thu a hrilh a.

A pu chuan a lo hrethiam em em a, mahse in pakhat sak tîr leh hrâm a duh a, chumi a tihsak chuan a chawlh theih tawh tûr thu a lo hrilh a.

Tichuan, mistiri chuan in chu a han sa ṭan a. Mahse a rilru tak tak a sêng peih tawh lo va, hmanrua pawh chhe tê tê, siam awlsam tak tak, rei pawh daih lo tûr a hmang zêl a, tichuan rei lote chhûng chuan a sa zo ta a.

A pu hnênah chuan a va kal a, a pu chuan, “Aw le, tûna i insak zawh tâk kha i in tûr atâna ka tih a ni a, i ta tûr a ni” a lo ti ta mai a.

Mistiri-pa chu a indawm kun ngawih ngawih a, hmanraw chhe tak tak a hmang chu a inchhîr ta êm êm a, a ta tûr tih chu hria se ṭha takin a sa mai tûr.

Aw le, nitina kan thil tih hian kan awmna tur a sâ tih hi kan hre duh lo va, kan hriatchhuah meuh chuan khua a lo tlai tawh ṭhin si.

Miten, “Hringnun chu mahni project ṭheuh thawhna a ni” te an ti. Chuvangin i chatuan hmun tûr thlengin ngaihtuah la, naktûka i awmna tûr vawiinah hian uluk takin sa rawh le.