THLARAU HRISELNA

1 KORINTH 6:20
Mana lei in ni tawh asin; chuvângin, in taksa hian Pathian chawimawi rawh u.

French doctor pakhat hi vawi khat chu tui chêng tûrin tuifinriat vâukamah chuan a kal a. Inthlâkna room-ah chuan mi pakhat tui chên tum a lo awm ve bawk a. Chupa chu sa ṭha nelh nawlh, taksa pian nalh tak a ni a. Doctor chuan chupa inthlâk zawh chu a lo nghâk reng a.

A lo chhuah chuan, doctor chuan, “Ka pu, kei hi doctor ka ni a. Tui chên ve i tum a, i khuh nasa hle tih i inthlâk lai khan ka lo hria a, hetianga khuh nasa tak chunga tui i chên luih chuan a nasa zual ang a, i hriselna atân a ṭha lo ang e” a ti a.

Chupa chu a lan dân chuan hrisêl hmêl tak, exercise pawh la ṭha tak a ni tih a hriat reng a, a khuh mai maite chu engahmah ngai lovin doctor hnênah chuan, “Doctor, i mi fuihnaah ka lâwm e, ka hrisêl ṭha a, hengte chu ka taksa tân a pawi thui lêm ” tiin a chhâng a.

Thla tam a ral hnu chuan chu doctor chu tui chêng tûrin a va kal leh a, mite chuan pa ṭha nelh nawlh tak mai kha a thih tawh thu an lo hrilh a. Doctor chuan a thih chhan a zawh chuan lung ṭhat lohna avanga thi a nih thu an lo hrilh a.

Doctor chuan, “Aw le, a pawi hle mai, kan pâwnlam lan dân mawi mai mai hian nunna min pe dâwn lo va, chhûngril (thlarau) hrisêlna hian damna tluantling min pe ang” tiin mite chu a chhâng a ni.

Kan taksa hrisêlna kan ngaih pawimawh viau lai hian kan thlarau lam nun erawh kan ngaihthah fo ṭhin.