IN THAR HLAN
DEUTERONOMY 20:5
Tin, hotute chuan mipuite hnênah, ‘In thar saa la hlân lo in awm em? A inah haw leh rawh se, indonaah a va thi hlauh ang a, mi dangin an hlân dah ang e.
He thu hi indo tûra inbuatsaihten an hriat tûrte zing ami lâk chhuah a ni a. Thuthlung hlui hunlai vêla an indo dânte kha chu inpawmchilh tak tak ang a la ni a. A thih pawh an thi tam thei hlê rêng a ni. Indo tûra inbuatsaihte zîngah in thar sa, la hlân lo an awm chuan rilru pangkhing taka indonaa an awm loh nân Pathian hnêna hlân phawt tûra tih an ni.
Kristianna êngah tih tûr leh tih loh tûrte kan lo hre chho ve ta zel a, a lawmawm hle. Kan sawi mêk in thar hlan chungchangah pawh, Pathian hnêna hlan nachang hria sawi tûr an tam ta hle. In mai ni lovin, motor leh dâwr te pawh Pathian hnêna hlan nachang hria an pung zêlte hi thil lawmawm tak a ni. Bible Society rawngbâwlna lam zâwngte pawhin mi ṭhenkhatin an in Life Member-ah an dah a, chhiatna thleng thei lakah pawh humhimin an awm ṭhin.
