PATHIAN THU HI THLAMUANNA A NI

– Zata Zadeng
Sialsuk

NUMBERS 6:26
Lalpa chuan in lam lo hawi sela, thlamuanna pe che u rawh se.

Pathian hian kan inpêk tak tak na zêl ah hian thilpêk kan dawng in, min pe ṭhin. Tih tak tak na thinlung kan neihna apiang ah Pathian hi a tak in a che chhuak ṭhin. Thlarau thilpêk pawh chutiang chuan kan dawng ṭhin.

Pathian Thlarau thilpêk hi mahni chan bâk hi chu in sawi sak theih a ni lova, Pathian thlarau thilpêk chuan siamṭhat hna a thawk ṭhin.

Pathian thu ka dawng, ti nazawng hi awih chin tâwk hriat a ṭha. Sakawlh hlau tur a Pathian thu dawng anga inngai te, he leia Pathian in a mite tâna a siam Kohhran chhuahsan tura thu dawng anga inngai tlat te kan awm ṭhin. Heng mite lakah hian fimkhur a ṭul. Pathian thu hian min ti thlabâr in, min ti lungngai dawn lo va, Pathian thu chuan min siam ṭha in, min thlamuan zâwk ṭhin a ni.