HAHCHAWLHNA ISUA

MATHAIA 11:28-30
“Nangni thawk rim leh phurrit phur zawng zawngte u, ka hnênah lo kal ula, keiman ka lo chawlhtîr ang che u. Ka nghâwngkawl bât ula, ka hnênah zir rawh u; thuhnuairawlh tak leh rilru inngaitlâwm tak ka ni si a; tichuan, in thlarau tân chawlhna in hmu ang. Ka nghâwngkawl chu a nuam a, ka phur pawh a zâng a ni,” tiin.

Judate hi dâna thiamchan tumte an ni a. Tih tûr leh tih loh tûr te, thiang leh thiang lo ten a hual vêl chhûngah chêp takin an khawsa a ni ber mai. Chûngte avanga rilru hahchawlhna rêng nei lova an awm chu Isuan a lainat êm avangin a nghawngkawl bâta amaha hahchâwl tûrin a sâwm a ni.

Keini pawh ei leh bâr ngaihtuahna avang te, sân zêl duhna avang te, retheihna avang te, sual hnathawh avangtein kan rilru a hah a, dam thlâkhlelh lohna hialte pawhin min hual vêl ṭhîn. Hetiang avanga rilru hah leh thlarau nun châute hnenah Lal Isuan, ‘Ka hnênah lo kal ula, keiman ka lo chawlhtîr ang che u’ a ti a ni. A hnên i pan ang u, a ni’n min lo chhâwk dawn nia.