MAHNI NGEI PÊNCHHUAH

2 THESALONIKA 3:10
In hnêna kan awm lai khân, “Hna thawk peih lo tawh phawt chuan ei pawh ei suh se,” tiin kan hrilh ṭhin che u kha.

Vawikhat chu pa pakhat hi Europe hmâr tâwp aṭangn America-ah a zin a. Ellis thliarkâr a thlen chuan a han innghat fel a, Manhattan-ah chuan in ei puar tûrin a chhuak thla ta a.

Ṭhutna ruakah chuan amah chuan a va ṭhu a, a ei tûr duh rawn zâwt turin dâwr nghâktute chu a nghâk reng a. Mahse hun rei tak a nghah hnu pawh chuan an lo kal reng reng lo mai a.

Tichuan pitar pakhat hi a rawn kal a, a ei tûr thlênga kengin a bulah chuan a rawn ṭhu a. Pitar chuan Manhattan-ah chuan Cafetaria (Self service: Mahnia insuah) anga thil an tih ṭhin thu a hrilh ta a ni.

“Tikhan a tâwp aṭang sâwn va intlar la, i duh zawng zawng va la/suak la, i ei zawh hunah chauh a man an rawn hrilh ang che” a ti a.

Chupa chuan America-ah chuan chutiang hlîr chuan an ti ṭhin tih a hre ta a, tihian a ngaihtuah a, “Hringnun hi cafetaria ang a lo ni, a man pêk kan inhuam hunah chiah kan duh chu kan hmu a. Kan ṭhutna aṭanga kan thawh a, kan duh hmu tûra kan pênchhuah loh chuan kan hlawhtling ngai lo. Kan duh hi min rawn pêk kan nghah tlat chuan kan hlawhchham ang” a ti a.

Hlawhtlinna hi thei anga rahin a duh hun hunah rawn tla ta se. Miten hah takin chu theikûngah chuan hawhtling tûrin an lâwn . Hlawhtling tûr chuan kê kan pênchhuah a, harsatna kan tâwn tlang a ngai tlat si a ni.

I hlawhtlinnain a pêk che aiin hlawhtlinna chang theia i inbuatsaihnain a nih tîr che kha a pawimawh zêl zâwk.
– Zig Ziglar