RED INDIAN THAWNTHU

1 KORINTH 6:12
Ka tân engkim a thiang a; mahse, a ṭangkai vek lêm lo, ka tân engkim thiang mah se eng bawihah mah ka inphal lo.

Vawiin thleng hian Red Indian chuan an râwltharte hnênah he thawnthu hi an la hrilh thin.

Red Indian râwlthar chu tlangval zir tûrin huaisenna an paltlang tîr ṭhin a. Vawi khat chu râwlthar pakhat hi tlâng sâng takah lâwn tûrin a dârah puan chhah bâtin a inbuatsaih a. Tichuan tumruhna nasa tak nên tlâng chu a lâwn ta a, a chhîp sâng lai tak chu a thleng ta thuai a. Nuam a tiin amah pawh a inngaisâng êm êm a ni.

Chu tlângah chuan rûl pakhat hi a lo awm a, chu rûl chuan, “Helai hmunah hian ei tûr a awm lo va, a vâwt si a, ka thi mai dawn a, i kawr chhûngah khan min dah la, min chhuk thlâkpui ta che” a ti a. Chu râwlthar chuan, ” Ni lo e, nang ang rûl hlauhawm laka invêng tûr hian kan rual u zâwkten min hrilh tawh, ka kawr chhûngah ka dah che chuan mi chu ang a, ka thi dâwn si a” a ti a.

Rûl chuan, “A teuh lo mai, min hruai thlâk phawt chuan thil mak tak ka tihsak ang che” a ti a. Râwlthar chuan a chhukpui ta a.

Tichuan tlâng aṭanga an chhuk thlen veleh chuan râwlthar chuan rûl chu leiah a dah thla a, a dah thlâk rual chuan rûl chuan a ke-ah na takin a chu sak ta a ni.

Rawlthar chuan, “Thil mak min tiam kha” a ti a, mahse a tlai tawh si. Rûl chuan, “Min lâk dâwn khan tunge ka nih i hre reng a lawm” tichungin a tleng bo ta daih a.

Red Indian chuan an tleirawl leh râwltharte hnenah chuan he thawnthu hi hrilh ṭhinin ruihhlo ti lo tûra an inzirtîrna a ni a, “Min lâk dâwn khan tunge ka nih i hre reng a lawm” tih chu an sawi nawn fo ṭhin.