JEWISH THAWNTHU

JOHANA 15:13
Miin a ṭhian tân a nun a pêk aliama hmangaihna nasa zâwk tu man an nei lo.

Ṭhianṭha tak mai hi an awm a. Kum tam tak an awm bo hnu chuan ṭhian pakhat zâwk chuan a ṭhianpa chu tlawh a tum a, mahse a ṭhianpa awmna ram Lal hnênah hmêlma lo kal anga hêk a ni a, an lo man ta mai a. A lu tan tûrin thu pêk a ni a. Nasa takin ngaihdam a dîl a, a nupui fanaute a ngaihtuah thute a sawi a, mahse Lal chuan, “Man tawh chhuah a lo lêt leh duh tunge awm?” a ti a.

Chupa chuan, “Lalpa in ramah hian ṭhianpa ka nei a, chumi chu min koh ula, ka ai lo awh rih se, ka nupui fanaute ka va hmu lawk ang a, ni 30 chhûngin ka rawn lêt ang a, ka rawn let loh chuan ka ṭhianpa lu in lo tan sak dawn nia” a ti a. A ṭhianpa chu an ko a, a ṭhianpa pawh chuan a lo remti a.

A haw ta a, a ṭhianpa hnênah chuan a lo lêt leh ngei tûr thu a hrilh a, lâwm êm êm in an inthlah ta a. Ni 30 chu a ral ta mai a, tlai ni tlâk dâwn pawhin a ṭhianpa chu a la rawn lang thei si lo, tichuan a lu tanna tûr chu an han rem fel ta tih chuan a ṭhianpa chu hmanhmawh takin a rawn thleng ta a. “Hrem tûrin ka inring e” a rawn ti a. A ṭhianpa chuan, “I aia nun hlân tûrin ka inpeih vek tawh e” tiin a chhâng lêt a. An inhmangaihna avang chuan thih zâwk an hreh lo va. An inhnial tâk viau hnu chuan Lal chuan ngawi tûrin a ti a, “Nangni pahnih tluka ṭhian inhmangaih hi ka la hmu ngai lo ve, ka ngaidam che u a, in ṭhianah min tel ve zâwk rawh u” a ti a ni.