DIABOLA DODAL

JAKOBA 4:7
Chuvângin, Pathian hnênah intulût ula, Diabola erawh chu dodâl rawh u; tichuan, a tlânsan ang che u.

Jakoba thuchah hi a pawimawh hlê. Entawn tûr Lal Isua kan nei a, ni 40 zet thlalêra a awm khân a rilṭam hun remchânga lain Diabolan kawng 3 ngawtin a thlêm a, a thlêm thlu zo lo tih kan hria (Lk.4:1-13).

Diabola hi Kristian chhungkaw tam takah hian a ngampa lutuk ta deuh em aw? A lawm zâwng kan tih leh ṭhin avâng hian taah min neih deuh ta a ni em? Lal Isua anga kan dodal ve ngam a ngai. Dodal ngamte chu a tlân bosan mai ṭhin a ni. Paula chuan Diabola ngamthlêmnate chu kan do zawhna tûrin Pathian râlthuam famkima inthuam tûrin min ti a. Kan kawng thutaka hrêng a, felna awmphaw ha a, remna Chanchin Ṭha inbuatsaihna chu kan kea buna ding tûrin min chah a ni (Eph.6:10-15). Kan thinlungah hmun kian lovin, ‘Lal Isua hmingin kal bo rawh’ tih hi kan dodal dân tûr pawimawh tak a ni.