PIANTHARNA DIK

THUFINGTE 4:23
I thil ngaihtuah dânah fîmkhur hle la, I ngaihtuah chuan i nun a kaihruai ṭhîn a ni.

Gospel Camping-ah te kan lût a, kan chhuah hnu rei lote-ah kan da leh mai ṭhin te kan ti a. Piangthar awm dân tûr anga awm lovin piangthar tawh chu piangthar lo awm dânah kan kîr leh ṭhin a. Piangthar hnungtawlh kan tam ṭhin hle a ni. Piangtharte hian thinlung thar tak tak kan neih ṭhin a pawimawh êm êm a ni.

DL Moody-a chuan heti hian a sawi – Vawi khat chu mi pakhat hian huan (farm) nuam tak a lei a. Chu a huan leiah chuan tui pump hlui tawh tak mai hi a awm a. A han pump chhin chuan a lo la haw thei a, a lâwm hle a ni.

Mahse chu huan chanchin hre deuh mai hi a rawn kal a, “Ṭhiana, he tui pump hi a hlui tawh a, tunhma-a helaia chêng pa leh a nupui bâkah a fanauten an in a, an thih phah hial a ni.” a ti a.

Chupa chuan, “A ni maw! Mahse a pawi lo e, ka siam ṭha ang a, kan enkawl deuh ang a, a in tlâk mai ang,” a ti a.

Tichuan rawng te a hnawih thar a, a bul vêl leh a pâwn lam ṭawp zawng zawng a tifai a, a tuiek lai pawh hmuh tur awm lovin a siam thar ta a, “Ṭhiana, tunah chuan ṭha i ti tawh em?” a ti a. A ṭhianpa chuan engtin mah a chhâng ta lo a.

Engtin nge kan chhân ang le! A chhûng tui a bawlhhlawh emaw tûr a pai nanana chuan a pâwn lam chu rawng hnawih tharin a hlui zawng zawng ti thar mah ila, eng nge awmzia awm ang! A tui pump chhuah a thianghlim chuan loh chuan tuichhuanchhuah pâwnlam chu thar viau mah se awmzia a awm lo a ni.

Thutiam siam vak vak a tuihna thar neih chuan si loh chu tui pump ang kha a ni. Chuvangin tuihna thar insiam ang u, a luang chhûak pawh mite intlâk a nih theihna tûrin.

JAKOBA 3:11
Tui hna pakhat aṭangin tui tui leh tui lo a chhuak ngai em ni?