ZAWH NGAI LOH KAWNG

JOSUA 3:4
Amaherawhchu, nangmahni nêna a inkâr chu teha tawng sânghnih emaw a ni tûr a ni. Hnaih suh ang che u; tichuan, in kalna tûr kawng chu in hre thei dâwn nia; tûn hmain hemi kawng hi zawng in la zawh ngai si lo va,” tiin mipuite chu thu a pe a.

He thu hi Israel faten Jordan lui an kân hma nia Josuan mipuite hnêna a sawi a ni a. An la zawh loh kawng thar zawh tûr an nih avângin fimkhur tûrin a hrilh a ni. Kum thar kan hmachhawn mêk a, he kum thar kawng kan zawh tûr hi khawvêl sorkar chak ber berte pawhin an dai lâwk theih bîk loh a ni. Fimkhur takin kawng thar zawh tûrin inbuatsaih chho ila. Kan inchhîr zui lehna tûr thil ti lo tûrin chung lam enin i kal ang u.

Thianghlimnaah te, rinawmnaah te leh diknaah te mi dang tihhmuhtu ni thei tûrin hmâ la ila. Mahni thawhna ṭheuh pawh rawngbâwlna rilru pua kan thawh a ṭha khawp ang a. Kan ṭawngkam chhuak pawh mi dangte tân ngaihthlâk nuam lo ni vek tawh rawh se.