PÊKNA THINLUNG DIK

MATTHAIA 6:3-4
Nang erawh chuan mi hnêna englo i pêkin, i kut ding lamin a tih chu i kut vei lamin hre suh se, i englo pêk chu a rûkin a awm theih nân; chutichuan, i Pa a rûka hmu ṭhîntu chuan a rûl ang che.

Thilpêk kan pêk chhan hi a inang lo viau âwm e. Mi ṭhenkhat chuan kan thilpêkte sawi nuam kan ti a, tlângzarh chi loh, mite hriat vak loh lam a thilpêk pêkte hi a harsa deuh ṭhin. Langsâr taka thilpêk pê te chuan an lawmman an hmuh tawh avângin lawmman pêk leh chuan an ngai tawh lo. A rûka pê te chu a rûka lo entu PAin a rûl ve leh dâwn a ni. Pathian chuan lâwm taka petu a ni a hmangaih ni (2 Kor. 9:7).

A diltu che hnênah pe la, i laka pûk duhtu chu hawisan suh (Mat. 5:42). He Bible châng hi hriat loh der, theihnghilh luih emaw zawm duh loh a hlawh viau lo maw?

Pe rawh u, tichuan, pêkin in awm ang,
Pêkah Pathian i hnehbân thei lo vang;
Pathianin mihring lei a ba ngai lo,
Malsâwmna hnâr a lo ni si.

LALPA, pêkna thinlung dik min neihtîr ang che.